الثلاثاء، 13 ديسمبر 2011

خلينى جنبك..انا بعيد عنك ماقدرش اعيش



خلينى جنبك..انا بعيد عنك ماقدرش اعيش
صدقنى من غير حبك ...الدنيا ماتساويش
وغير حضنك.. ورضاك عنى انا ماليش
انت اللى ضحيت بروحك علشانى وسامحتنى وماسبتنيش
وفكل شدة بتساعدنى.. وابدا ما بتهملنيش 
ولو كل الدنيا اتخلت عنى..انت الوحيد اللى مابتنسانيش
انت ابويا وامى والصديق الوفى اللى ما بيخونيشنى 
انا مهما عبرت عن مدى حبى لشخصك..كل الكلمات ما تكفينيش
من غيرك فى الدنيا انا..طير تايه فى السما من غير ريش
محبتك  ياربى فقلبى زى شمعة نورها ساطع ومابتنطفيش
شاعرة الشهداء
ناهد فاروق شاروبيم
الشاعرة ناهد فاروق متواجد حالياً أضافة تقييم إلى الشاعرة ناهد فاروق تقرير بمشاركة سيئة  تعديل / حذف المشاركة

الاثنين، 12 ديسمبر 2011

قولى يا زمان...راح فين الأمان؟؟




لف يا زمان وارجع بينا 
لأيام جميلة.. ضاعت من بين ايدينا 
ايام ما كانت قلوبنا على بعضينا 
اصحاب وجران.. والحب مدفينا 
واهل واحباب.. حاسين بالسلام وسطينا 

ياترى القلوب جرالها ايه؟؟ 
والحب ليه ضاع.. ومحدش لاقيه؟ 
حتى السلام ..خلاص هجر اراضيه 
والعالم بقا بعيد عن بعضيه 
هى المشكلة فينا؟؟ولا فالعالم وبلاويه؟ 

سؤال ومش عارفين له اجابة 
احنا متوحشين ولا غلابة ؟
وياترى عايشين فى دنيا؟ولا ف غابة؟ 
يارب اتدخل.. احنا منتظرين منك استجابة 
خلى الارض تعمر..ونور قلوبنا اللى اتملت بالكآبة 

احنا ممكن نبنى جوة قلوبنا قصور 
ونملاها بالمحبة وبالنور 
بس لو نزرع سلام بدل الشرور 
اكيد هنجنى محبة وهنعيش فى فرح وسرور 

احنا ليه كل كلامنا عن القتل وعن الحروب ؟
وليه نسينا يسوع المصلوب 
مش هو اتصلب علشان ينجى الشعوب 
ولا خلاص ماعادش ليه مكان ف القلوب؟ 

اسهرو وصلو من اجل السلام 
مش بس بالكلام 
لأ..بالايمان وبالعمل كمان 
علشان ربنا يرحمنا ونعيش فى امان 


يا اصدقائى: دى مش مجرد  اشعار 
دى دعوة ليينا علشان نبعد عن الحروب والدمار 
احنا مالنا ومال عيشة الضلمة ؟دامفيش اجمل من نور النهار

كلمات :شاعرة الشهداء 
ناهد فاروق شاروبيم
 

دعوة للحب ..والسلام





نفسى يكون لينا مكان.. يجمعنا بالحب
ولا ييبعدنا زمان..ولا تفرقنا حرب
ونعيش دايما فى امان..والسلام يملا القلب 


عايزين شعار واحد يجمعنا 
(بالحب والسلام هنبنى بلدنا )
ساعتها هنحس ان حياتنا ليها هدف وليها معنى

ليه كترت ....الحروب؟؟؟ 
وليه الكره ملا القلوب ؟؟ 
وليه ترضى تكون من الشيطان مغلوب؟؟ 

اصحا ودور على اخوك 
وخليك قريب من اللى بيحبوك 
واوعا تسمع للاشرار.. دول عايزين يقتلوك 


ازرع سلام ..هتجنى محبة
لكن بالكره وبالانتقام..هنعيش حياه صعبة
كفايانا يا ناس..عايزين نرجع من تانى اهل واحبة

كلمات:شاعرة الشهداء
ناهد فاروق شاروبيم

ازاى ياربى رفضوك؟ وانت الحبيب؟؟



ازاى يا ربى رفضوك؟؟؟؟؟؟وانت الحبيب ؟

وازاى قدروا يعذبوك؟؟؟؟؟؟؟على عود الصليب؟
بالمسامير وكمان بالحربة طعنوك ..مع انك كنت ليهم طبيب؟
دا حتى الطبيعة احتجت........واتغير الكون لمنظر رهيب 

ثقبوا يديك ..يا شافى القلوب 
وبالحربة القاسية طعنوك..ياغافر الذنوب 
ولماعطشت بالخل سقوك..يا راوى العطشا يا الهنا المحبوب
ردو على محبتك الغالية بالقسوة والاهانة والانكار والحروب 

جيت تزرع محبة وتحيى قلوب ماتت 
جيبت خليت الخاطية رجعت وتابت 
جيت شفيت الاعمى والمشلول ورجعت الناس اللى تاهت 
لكن مع الاسف اغلب الناس دى فرطت فيك يالهى وباعت 

انا كمان غرست معاهم الشوك على جبينك 
علشان بعدت عن حضنك..وبقيت ضمن الناس اللى ناكرينك 
لكن انا طمعان تجعلنى زى اللص اللى كان على يمينك 
توبنى ورجعنى من تانى ضمن تلاميذك اللى حافظين تعاليمك 

كلمات:شاعرة الشهداء 

ناهد فاروق شاروبيم

ملك الملوك..جه علشانا كلنا




ملك الملوك ...تواضع ونزل من السما
جه عشانى وعشانك..وعلشانا كلنا
جاب الحب معاه علشان يغرسه فقلبنا
مسألتش نفسك: ازاى ابن الاله يسيب عرشه وينزل على ارضنا؟

اكيد علشان محبته ملهااااااااااش مثيل
مع انه كان ممكن يبعت مكانه... اى بديل
لكن محبته الغالية لينا كانت اعظم دليل
على ان قلبه وحبه وتضحيته ماتعرفش ابدا كلمة مستحيل

تأمل ولو للحظة:
ازاى الهنا قبل الاهانة ؟
والضرب والجلد وكمان الغدر و الخيانة؟
غرسو الشوك ف راسه وهو غرس الحب جوانا
حاول بكل الطرق يضمنا..واحنا بعدنا عنه بخطايانا

عظيمة محبتك يا الهى لأنك اله قدير
اديتنى نعم وعطايا وخيرات كتير
مع انى مقصر فحقك وجرمى كبير
لكنك يا يسوع دايما بتسامحنى وبتقدملى كل الخير

روح اشكر ربنا من كل قلبك
قوله بحبك يارب ومافيش اى كلام ممكن يوصف حبك
ايه بس هايجى كلامى ..جنب احتمالك وصبرك
داحتى ياالهى اللى صلبوك ..طلبتلهم المغفرة من ربك
حقيقى انت ملك الملوك..وانا مستاهلش حتى اكون عبدك

كلمات:شاعرة الشهداء
ناهد فاروق شاروبيم